អ្នកអាចសាកល្បងនិងមើលល្បងប្រាជ្ញាទាំងនេះដើម្បីជាប្រយោជន៍់
(១) ប្រសិនបើគេដាក់កាក់មួយចូលទៅក្នុងដប រួចយកគម្របបិទឲ្យជិត។ តើធ្វើដូចម្តេចទើបអាចយកកាក់ចេញបានដោយមិនបាច់ បើកគម្របចេញ និងមិនឲ្យបែកដប?
ដំគម្របចូលក្នុងដបវិញ រួចចាក់កាក់ចេញមក (លក្ខខណ្ឌគេមិនឲ្យបើកគម្រប តែមិនបានហាមមិនឲ្យរុញគម្របចូលក្នុងទេ)
(២) អ្នកស្ថិតក្នុងបន្ទប់មួយដែលមានទ្វា៨។ ក្នុងទ្វានីមួយៗមានតោពីរក្បាលដែលឃ្លានចំណីអស់រយៈពេល៣០ឆ្នាំ មកហើយ។ តើអ្នកត្រូវធ្វើដូចម្តេចទើបអាចចេញក្រៅបាន?
ដើរចេញតាមទ្វាធម្មតា ព្រោះតោដែលអត់ចំណី៣០ឆ្នាំហើយ គឺស្លាប់គ្មានសល់ទេ។
(៣) ហេតុអ្វីបានជា ១២ បូក ១ ចេញជា ១?
ព្រោះ ម៉ោង ១២ បូក ថែម ១ម៉ោង ចេញជា ម៉ោង១
(៤) បុរសម្នាក់សម្លឹងមើលតាមបង្អួចនៅជាន់ទី១០។ ដោយនឿយណាយពេកក៏លោតចេញតាមបង្អួច។ តែពេលធ្លាក់ចុះមកគាត់គ្មានរបួសសោះ។ គ្មានពូក ខ្នើយ ឬអ្វីមួយជួយទប់ល្បឿនគាត់ទេ ហេតុអ្វីបានជាគាត់មិនស្លាប់?
ព្រោះគាត់ជាអ្នកជូតកញ្ចក់ពីខាងក្រៅអគារ ដោយនឿយហត់ពេកគាត់ក៏បើកបង្អួចហើយលោតពីខាងក្រៅចូលក្នុងអគារវិញ
(៥) បរុសម្នាក់ចង់ឆ្លងស្ទឹងមួយ។ គាត់មានមាន់មួយក្បាល ចចកមួយក្បាល និងពោតមួយបាវ។ គាត់មានទូកមួយសម្រាប់ឆ្លង តែទូកនោះតូចណាស់ ក្នុងមួយលើក អាចដឹកបានតែមនុស្សម្នាក់និងរបស់មួយក្នុងចំណោមរបស់ទាំងបី។ ប្រសិនបើគាត់ទុកចចកចោលជាមួយមាន់ ហើយយកពោតទៅមុន ចចកនឹងស៊ីមាន់។ ប្រសិនបើគាត់មាន់ចោលជាមួយពោត ហើយយកចចកទៅមុន មាន់នឹងស៊ីពោតអស់។ តើគាត់ត្រូវធ្វើដូចម្តេចដើម្បីយករបស់ទាំងនោះទៅដល់ត្រើយ ដោយមិនឲ្យបាត់បង់ណាមួយ?
(៥) បរុសម្នាក់ចង់ឆ្លងស្ទឹងមួយ។ គាត់មានមាន់មួយក្បាល ចចកមួយក្បាល និងពោតមួយបាវ។ គាត់មានទូកមួយសម្រាប់ឆ្លង តែទូកនោះតូចណាស់ ក្នុងមួយលើក អាចដឹកបានតែមនុស្សម្នាក់និងរបស់មួយក្នុងចំណោមរបស់ទាំងបី។ ប្រសិនបើគាត់ទុកចចកចោលជាមួយមាន់ ហើយយកពោតទៅមុន ចចកនឹងស៊ីមាន់។ ប្រសិនបើគាត់មាន់ចោលជាមួយពោត ហើយយកចចកទៅមុន មាន់នឹងស៊ីពោតអស់។ តើគាត់ត្រូវធ្វើដូចម្តេចដើម្បីយករបស់ទាំងនោះទៅដល់ត្រើយ ដោយមិនឲ្យបាត់បង់ណាមួយ?
ដំបូងគាត់ត្រូវយកមាន់ឆ្លងទៅមុន។
បន្ទាប់មក យកចចកឆ្លងទៅមួយទៀត។ ពេលទៅដល់ត្រើយម្ខាង គាត់ទុកចចក រួចយកមាន់ឆ្លងមកវិញតាមខ្លួន។
រួចហើយទុកមាន់ចោល រួចយកពោត ឆ្លងទៅជាមួយ។ ពេលដល់ត្រើយទុកពោត ចោលជាមួយចចក រួចឆ្លងខ្លួនទទេមកយកមាន់ទៅជាមួយវិញជាការស្រេច។
(៦) នៅក្នុងរោងសេះមួយមានទាំងមនុស្សនិងសេះ។ គេឃើញមានក្បាល២២ និងជើង៧២។ តើមានមនុស្សប៉ុន្មាននាក់និងសេះប៉ុន្មានក្បាល?
មនុស្ស៨នាក់ និង សេះ១៤ក្បាល។ ១៤X១៤ បូកនឹង ៨X២ ស្មើនឹង ៧២ជើង។
(៧) តើអ្នកហ៊ានភ្នាល់ជាមួយខ្ញុំទេ អ្នកណាចាញ់ត្រូវបង់ប្រាក់១ដុល្លារ អ្នកណាឈ្នះបានប្រាក់១ដុល្លារ? ភ្នាល់ថា ប្រសិនបើអ្នកឲ្យប្រាក់ខ្ញុំ ២ដុល្លារ ខ្ញុំនឹងឲ្យទៅអ្នកវិញ ៣ដុល្លារ។ សូមគិតឲ្យច្បាស់មុននឹងភ្នាល់។
អ្នកមិនគួរភ្នាល់ទេ ព្រោះ បើអ្នកឈ្នះ មានន័យថាអ្នកខាតប្រាក់ ។ សូមពិចារណាៈ អ្នកឲ្យប្រាក់មកខ្ញុំ ២ដុល្លារ ហើយខ្ញុំឆ្លើយវិញថា ខ្ញុំចាញ់ហើយខ្ញុំមិនហ៊ានឲ្យអ្នក៣ដុល្លារទេ។ ក្នុងករណីនេះខ្ញុំជាអ្នកចាញ់ដូច្នេះខ្ញុំត្រូវបង់ប្រាក់ភ្នាល់ ១ដុល្លារ។ ខ្ញុំបានប្រាក់ពីអ្នក២ដុល្លាររួចជាស្រេច ដូច្នេះគ្រាន់តែដក១ដុល្លារឲ្យអ្នកវិញជាការស្រេច។ សរុបទៅខ្ញុំចំណេញ១ដុល្លារ អ្នកខាត១ដុល្លារ។
(៨) ប្រសិនបើអ្នកទៅមើលកុនជាមួយមិត្តភក្តិពីរនាក់ ហើយអ្នកជាអ្នកចេញប្រាក់ទិញសំបុត្រ។ តើមួយណាចំណាយអស់តិចជាង (១)ទៅមើលកុនពីរលើក ម្តងទៅមួយមិត្តភក្តិម្នាក់ ហើយលើកក្រោយទៅជាមួយម្នាក់ទៀត (២)យកមិត្តទាំងពីរនាក់ទៅមើលកុនជាមួយអ្នកក្នុងពេលតែមួយ។
ចំណាយអស់តិចជាងប្រសិនបើអ្នកយកមិត្តទាំងពីរទៅមើលកុន ជាមួយអ្នកក្នុងពេលតែមួយ ព្រោះត្រូវទិញសំបុត្រតែបី។ ប្រសិនបើយកមិត្តទៅមើលកុនជាមួយអ្នកម្តងម្នាក់នោះ អ្នកត្រូវទិញសំបុត្រដល់ទៅបួន។
(៩) ថៅកែរោងចក្រមួយត្រូវជិះយន្តហោះទៅរកស៊ីនៅក្រៅប្រទេស។ ចៃដន្យព្រឹកនេះគាត់ភ្លេចឯកសារមួយចំនួននៅរោងចក្រ គាត់ក៏ប្រញាប់ទៅយកជាបន្ទាន់ព្រោះខ្លាចខកជើងយន្តហោះ។ ស្រាប់តែទៅដល់រោងចក្រ មានអ្នកយាមម្នាក់រត់ចេញមកឃាត់គាត់កុំឲ្យជិះយន្តហោះ ទៅក្រៅប្រទេសឲ្យសោះ ដោយហេតុផលថាយប់ម៉ិញខ្លួនយល់សប្តិឃើញដូចភ្នែកស្រស់ថាយន្ត ហោះនោះធ្លាក់។ លោកថៅកែ ក៏ស្តាប់តាមដោយមិនហោះហើរទៅក្រៅ ប្រទេសឡើយ។ មែនយន្តហោះនោះ ក៏ធ្លាក់ដូចយល់សប្តិរបស់អ្នកយាមនោះមែន។ ថៅកែក៏ប្រគល់រង្វាន់ $1000 ឲ្យទៅអ្នកយាមនោះ តែគាត់ចាំបាច់ត្រូវតែដេញអ្នកយាមនោះចេញពីការងារ តើមកពីមូលហេតុអ្វី?
ព្រោះអ្នកយាមនោះដេកនៅពេលយាម។
(១០) គេឃើញមានបុរសពីរនាក់លើវាលខ្សាច់ ម្នាក់ស្លាប់ ម្នាក់ទៀតនៅរស់។ ពេលពិនិត្យទៅឃើញថា សាក់កាដូ (កាបូបស្ពាយ) របស់អ្នកស្លាប់បិទជិត តែកាបូបស្ពាយរបស់អ្នករស់បើកចំហ។ តើបុរសនោះស្លាប់ដោយសារមូលហេតុអ្វី?
លោតឆ័ត្រ។
(១១) តាំងពីយូរលង់ណាស់មកហើយ មានបុរសកំសត់ម្នាក់ស្រឡាញ់គ្នាជាមួយបុត្រីសេដ្ឋី។ សេដ្ឋីដឹងហើយខឹងយ៉ាងខ្លាំងក៏រកវិធីបំបែកអ្នកទាំងពីរ តែគាត់ក៏ចង់ឲ្យបុត្រីព្រមចាកចេញពីបុរសនោះទាំងអស់ចិត្តដែរ ទើបគាត់លើកជាការភ្នាល់មួយថា នៅក្នុងប្រអប់ខ្មៅមួយ មានក្រដាសពីរសន្លឹក មួយសន្លឹកសរសេរថា “បែក” មួយសន្លឹកទៀតសរសេរថា “ជួប” ប្រសិនបើបុរសនេះចាប់បានក្រដាសមួយណា បុរសនោះត្រូវគោរពតាម។ សេដ្ឋីបានរៀបឧបាលកល ដោយដាក់ក្រដាសទាំងពីរសន្លឹកសរសេរពាក្យថា “បែក”។ តើបុរសនោះដោះស្រាយយ៉ាងណា ទើបអាចរៀបការជាមួយបុត្រីសេដ្ឋីបាន?
បុរសនោះចាប់មួយ សន្លឹកទុកក្នុងដៃ រួចហើយឲ្យសេដ្ឋីបង្ហាញមួយសន្លឹកទៀត ដែលមួយសន្លឹកនោះសរសេរថា “បែក”។ នៅចំពោះមុខមហាជន សេដ្ឋីមិនចង់ឲ្យគេដឹងថាខ្លួនលេងល្បិចឡើយ ពិតជាព្រមទទួលស្គាល់ថាមួយសន្លឹកដែលនៅក្នុងដៃបុរសនោះសរសេរថា “ជួប”។
(១២) មនុស្ស៤នាក់ជិះទូកលេង ស្រាប់តែទូកក្រឡាប់ធ្លាក់ទឹកទាំងអស់គ្នា។ ពេលគេពិនិត្យទៅស្រាប់តែឃើញថា គ្មានបុរសម្នាក់ណាទទឹកខ្លួនសោះ។ តើមកពីមូលហេតុអ្វី?
ព្រោះអ្នកទាំងបួនសុទ្ធតែជាមនុស្សស្រី។
Source:worldpress.com
No comments:
Post a Comment