យើងគួរយល់ដឹងខ្លះៗ ពីប្រទេសនៅលើពិភពលោកយើងនេះ ដែលមានប្រមាណ ២០០ ប្រទេស មាន ភាសា វប្បធម៌ អរិយធម៌ ទំនៀមទម្លាប់ និង ភាពរុងរឿងខុសៗគ្នា បើយកមកប្រៀបធៀបគ្នា ច្បាស់ណាស់ថានឹងមានប្រទេសខ្លះ លេចធ្លោជាងគេគួរកត់សម្គាល់ ។
- ប្រទេសដែលធំបំផុតក្នុងពិភពលោក : គឺសាធារណរដ្ឋសហព័ន្ធរុស្ស៊ី មានផ្ទៃដីទាំងអស់ 17.124.442 គីឡូម៉ែត្រការ៉េ ស្មើ 11,5% នៃផ្ទៃដីទាំងអស់របស់ពិភពលោក ឈ្មោះទីក្រុងម៉ូស្គូ ។
- ប្រទេសដែលតូចបំផុតក្នុងពិភពលោក : គឺរដ្ឋវ៉ាទីកង់ ផ្ទៃដីតែ 0,44 គីឡូម៉ែត្រការ៉េ ស្ថិតនៅទីក្រុងរ៉ូម ប្រទេសអ៊ីតាលី ប្រជាជនក៏តិចជាងគេបំផុតដែរ ចាត់ទុកជាវិហារសង់កាតូលិកសម្រាប់ពិភពលោកទាំងមូល ដែលមានសម្តេច ប៉ាប គ្រប់គ្រង ។
- ប្រទេសដែលមានបំផុតក្នុងពិភពលោកៈ គឺប្រទេសកាតារ ។ កាតារជាប្រទេសផលិតប្រេងដ៏ច្រើន មានចំណូលប្រមាណដ៏ច្រើនមហាសាល 85% ពីការនាំប្រេងចេញ ជាប្រទេសអ្នកមានបំផុត ក្នុងពិភពលោក ។ កម្រិត GDP (PPP) ក្នុងម្នាក់ 154.334,5$ ក្នុងមួយឆ្នាំ (ទិន្នន័យឆ្នាំ ២០១៤) ។
– ប្រទេសដែលក្របំផុតក្នុងពិភពលោកៈ គឺសាធារណរដ្ឋប្រជាធិបតេយ្យកុងហ្គោ ។ ភាពរុំារ៉ៃនៃភ្លើងសង្គ្រាមក្នុងស្រុក ធ្វើឱ្យសេដ្ឋកិច្ចរបស់ប្រទេសនេះធ្លាក់ដុនដាប បណ្តាលឱ្យកម្រិត GDP (PPP) ក្នុងម្នាក់ 415$ ក្នុងមួយឆ្នាំ ។
- ទេសដែលរងារបំផុតក្នុងពិភពលោក : គឺប្រទេសរុស្ស៊ី ។ រដូវរងារនៅភាគខាងជើង សីតុណ្ហភាព ធ្លាក់ដល់ -40 អង្សាស៊ែលស៊ុស ឯរដូវក្តៅ សីតុណ្ហភាពធ្លាក់ដល់ -3 អង្សាស៊ែលស៊ុស ។ មានការកំណត់ទុកមួយរបស់អ្នកភូមិ អូមយ៉ាខន ធ្លាក់ដល់ -68 អង្សាស៊ែលស៊ុស ។
- ប្រទេសដែលក្តៅបំផុតក្នុងពិភពលោក : គឺប្រទេសលីប៊ី ស្ថិតនៅក្នុងទ្វីបអាហ្វ្រិកខាងជើង សីតុណ្ហភាពឡើងដល់ 57.8 អង្សាស៊ែលស៊ុស ។
- ប្រទេសដែលស្អាតបំផុតក្នុងពិភពលោក : គឺប្រទេសស្វីស ។ មហាវិទ្យាល័យយេល និង មហាវិទ្យាល័យកូឡំបៀ បានចាត់លំដាប់ថ្នាក់ចំពោះប្រទេសស្វីស ជាប្រទេសស្អាតបំផុតក្នុងពិភពលោក ដោយផ្អែកទៅលើ សន្ទស្សន៍ផ្នែកបរិស្ថាន (Environmental Performance Index หรือ EPI) បានទទួលពិន្ទុ 87,67 (ក្នុងឆ្នាំ ២០១៤) ។
- ប្រទេសដែលមានសុវត្ថិភាពបំផុតក្នុងពិភពលោក : គឺប្រទេសជប៉ុន ។ ពីការចាត់លំដាប់ថ្នាក់របស់អង្គការ ដើម្បីសហការ និង អភិវឌ្ឍ បានលើកប្រទេសជប៉ុនជាប្រទេស មានសុវត្ថិភាពបំផុតក្នុងពិភពលោក ។ តាមស្ថិតិឃើញថា មានប្រជាករត្រឹមតែ 1,4% ប៉ុណ្ណោះរបស់ប្រទេស ដែលរងគ្រោះខាងឧក្រិដ្ឋកម្ម ក្នុងរយៈពេល ១២ ខែ និង 77% នៃប្រជាករមានសុវត្ថិភាពល្អ ពេលដើរលេងកណ្តាលយប់ម្នាក់ឯង ។
- ប្រទេសដែលគ្រោះថ្នាក់បំផុតក្នុងពិភពលោក : គឺប្រទេសអុីរ៉ាក់ ។ ជាកន្លែងប្រជុំទៅដោយភេរវករ ចលាចលបះបោរ ព្រមទាំងសង្គ្រាមស៊ីវិល បង្កឡើងដោយពួកឧទ្ទាមផ្សេងៗ ដូចជា ក្រុម ISIS ជាដើម ។
– ប្រទេសដែលមានប្រជាជនច្រើនបំផុតក្នុងពិភពលោក : គឺប្រទេសសាធារណរដ្ឋប្រជាមាននិតចិន មានប្រជាជនច្រើនជាងគេរហូតកាល គឺ 1,3 ពាន់លាននាក់ ឬ 19,1% នៃប្រជាជនទាំងអស់លើពិភពលោក ។
– ប្រទេសដែលមានប្រជាជនតិចបំផុតក្នុងពិភពលោក : គឺប្រទេសរដ្ឋវ៉ាទីកង់ ។ មានប្រជាជនត្រឹមតែ 900 នាក់ប៉ុណ្ណោះ ឬ 0,00002% នៃប្រជាជនលើពិភពលោកទាំងអស់ ។
- ប្រទេសដែលមានប្រព័ន្ធសិក្សាល្អបំផុតក្នុងពិភពលោក : ដោយការសហការពី ៦ អង្គការអន្តរជាតិ បានបូកស្ថិតិ ពីការត្រួតពិនិត្យប្រព័ន្ធសិក្សាពី 200 ប្រទេសទូទាំងពិភពលោក បានផ្តល់ចំណាត់ថ្នាក់ល្អបំផុតផ្នែកប្រព័ន្ធសិក្សា ទៅលើប្រទេសកូរ៉េខាងត្បូង ដែលកែទម្រង់ថ្មី (New Educational System) ។
- ប្រទេសដែលចាស់ជាងគេបំផុតក្នុងពិភពលោក : គឺប្រទេសអេហ្ស៊ីប មានកំណើតតាំងពី 3.150-3.500 ឆ្នាំមុនគ្រឹស្តសករាជ ដោយការគ្រប់គ្រងពី ហ្វារ៉ូហ៍ គ្រប់ជំនាន់ នាំអេហ្ស៊ីបគ្រងអាណាចក្របានដល់ 3000 ឆ្នាំ ដោយមានស្ថាបត្យកម្មសំខាន់ៗ គឺពីរ៉ាមីដ និង ស្វ៊ីង (SPHINX) ដ៏ធំ បង្ហាញពីភាពថ្កុំថ្កើង ខាងបុរាណវត្ថុ ។
- ប្រទេសដែលមានសេចក្តីសុខបំផុតលើពិភពលោក : គឺប្រទេសស្វីស ។ វេបសាយ World Happiness Report បានចាត់លំដាប់ប្រទេស ដែលមានសេចក្តីសុខបំផុតក្នុងឆ្នាំ ២០១៥ នេះ គឺប្រទេសស្វីស ៕
Source:www.matenak.com
No comments:
Post a Comment